Бұл мақалада әлеуметтік педагогтың аз қамтылған отбасымен жұмыс жасау ерекшеліктерін көрсетіп қана қоймай отбасыдағы балалардың әлеуметтік жағдайын көтеру, әлеуметтік көмекті ұйымдастыру, тек көмек күтуші ғана емес проблеманы шешу үшін өздігінен жол табуына көмектесу, рухани жан дүниесін танып білуі, қоғам көшіне ілесіп, қатарға қосу жұмыстарын ұйымдастыру туралы айтылған. Еліміздегі түрлі жас ерекшеліктеріне қарай әлеуметтік мәселенің шешімін таба алмай жатқан тұсы балалар мәселесі екендігін жеткізіп, олардың өміріне әсер етуші факторлар, атап айтқанда: отбасындағы ата-ана арасындағы қарым-қатынастың дұрыс болмауынан балаға әсер ету факторы; балалардың қоғамда немесе мектепте өзін кем сезінуі; түрлі депрессияға ұшырап, өзін өмір сүру ортасынан бөлектеу; әлеуметтік жағдайдың төмендігінің әсері; т.б. бала психологиясына әсер ететіндігі және осы жағдайлардан кейін бала үшін білім алу, оқу, өмір сүруге талпыну, қоғам көшімен бірге ілесу сынды шабыттың потенциалы бәсеңдейтіндігін жеткізіп, жан-жақты шетел ғалымдарының еңбектеріне сүйене отырып әлеуметтік-педагогикалық жұмыс жүргізудің ерекше тұстарын айтады.