ТжКБ ЖӘНЕ ЖОО БҮТІРУШІЛЕРІНІҢ «ПЕДАГОГ» КӘСІБІНЕ ЕНУ

МӘСЕЛЕСІ БОЙЫНША ХАЛЫҚАРАЛЫҚ ТӘЖІРИБЕЛЕРДІ ТАЛДАУ НӘТИЖЕЛЕРІ

Андатпа

Қоғамдағы адами ресурстарының сапасын арттыруда әр елдің білім беру жүйесі өте үлкен рөл атқарады. Еліміздегі кез келген білім беру реформалары жоғары білікті және бәсекеге қабілетті педагогтардың қатысуынсыз жүзеге асырылуы мүмкін емес. Сондықтан қазіргі уақытта ТжКБ және ЖОО деңгейінде мұғалімдерді кәсіби даярлау сапасы бүкіл әлемде маңызды мәселелердің бірі болып табылады. Бұл мақалада шет елдердегі ТжКБ және жоғары оқу орындарында мұғалімдерді дайындаудың негізгі ерекшеліктері қарастырылады. Басты назар ТжКБ жүйесінде өндірістік практиканы, педагогикалық интернатураны, сонымен қатар қолданбалы бакалаврларды даярлау жүйесін ұйымдастыруға аударылады. Халықаралық тәжірибеге жалпы шолу негізінде Қазақстандағы білім беру жүйесін модернизациялау, болашақ мұғалімдердің кәсіби дайындығының сапасын арттыру туралы қорытындылар жасалған. Бұл мақала ҚР БҒМ-нің «Білім беру жүйесі мен ғылымды модернизациялаудың ғылыми негіздері» тақырыбының «Озық әлемдік тәжірибелерге сәйкес ТжКБ жүйесіндегі педагогикалық бағытты трансформациялау бойынша зерттеу жүргізіп, ұсыныстар әзірлеу» бөлімі бойынша  бағдарламалық-нысаналы қаржыландыру аясында жазылған.

Түйін сөздер: өндірістік тәжірибе, педагогикалық интернатура, қолданбалы бакалавриат, адами ресурстар, білім сапасы.