Мақалада авторлар ғылыми-педагогикалық, арнайы әдебиеттерді талдау негізінде цифрландыру жағдайында " Директор - жаңа формация көшбасшысы" бағдарламасын курстан кейінгі қолдау мәселесін ашуға тырысты. Әдебиеттерге шолу көрсеткендей, зерттеу пәні ретінде директорлықты зерттеу англо-саксон елдерінде басталды және 1900 жылдардан бастап АҚШ, Ұлыбритания, Австралия және Канада ғалымдары мектеп директорларына қатысты әртүрлі мәселелерді зерттеумен айналысады.

Авторлар біліктілікті дамытудың озық тәжірибесін, орта білім беру ұйымдары басшыларының дағдыларын зерделеу негізінде " Директор - жаңа формация көшбасшысы" біліктілікті арттыру курстарының модульдік бағдарламасын, сондай-ақ осы бағдарламаны курстан кейінгі сүйемелдеу жүйесін ұсынуға тырысты.

Бұл зерттеудің ерекшелігі, ғалымдар қазақстандық ғылым аясында алғаш рет цифрландыру жағдайында " Директор - жаңа формация көшбасшысы" бағдарламасын курстан кейінгі сүйемелдеу мәселесіне өз көзқарасын ұсынуға тырысты.