Бұл мақалада болашақ мұғалімдердің академиялық ұтқырлыққа дайындығын қалыптастыру бойынша жүргізілген зерттеу жұмыстарының нәтижелері туралы жазылған. Қазіргі жағдайда академиялық ұтқырлық адами капиталдың сапасын арттырудың негізгі стратегияларының бірі ретінде танылды. Осы тұрғыда жаһандану түрлі мемлекеттер арасындағы алмасуды, әсіресе ғылым мен білім сияқты негізгі салаларды жақсартуда шешуші рөл атқарады.  Бұл үдеріс ұлттық білім беру жүйелері арасындағы бәсекеге қабілеттілікті арттыруға айтарлықтай әсер етеді, сондай-ақ білім беру саласындағы этносаралық ынтымақтастықты нығайту үшін қолайлы жағдайлар жасайды. Зерттеудің негізгі мақсаты болашақ мұғалімдердің академиялық ұтқырлыққа дайындығын қалыптастыру жолдарын іздеу болып табылады. Бұл ғылыми жұмыста зерттеу әдістері ретінде келесі әдістер қолданылды, олар: жалпылау, салыстырмалы талдау және эксперимент. Бұл зерттеудің нәтижелері түрлі факторлердің, яғни жобалық тәжірибенің болуы, өзін-өзі тәрбиелеу тәжірибесі, кәсіби қызметке қатысу, мотивация, білімнің және жақсы қарым-қатынас дағдыларының болуы академиялық ұтқырлыққа дайындалу үшін қажетті жағдайлар болуы мүмкін екенін көрсетеді.