Мақалада зерттеуші ғылыми педагогикалық, психологиялық, арнайы әдебиеттерге сүйене отырып, инклюзивті білім беру мәселесін кеңінен қарастыруға тырысқан. Автор қазақстандық және шетелдік ғалым зерттеушілердің еңбектерін зерделей келе, контент- талдау әдісін пайдалану арқылы «инклюзивті білім беру» ұғымына жан- жақты  талдау жасаған. Контент -талдаудың түйіні ретінде инклюзивті білім берудің ерекше сипаттарын анықтаған.

Мақалада инклюзивті білім беру мәселесін зерттеген ғалымдардың еңбектеріндегі мүмкіндігі шектеулі балаларды оқытуды ұйымдастыруда басшылыққа алатын мынадай: медициналық модель, қалыпқа келтіру моделі және әлеуметтік модель  сияқты амалдарды анықтаған.

Сонымен қатар, АҚШ мен Еуропа елдерінің білім беру саясатындағы білім беру амалдарына тоқталған: білім беруге қол жетімділікті кеңейту, мэйнстриминг, интеграция, инклюзия, білім беру мекемелерін реформалау.

Ғылыми әдебиеттерге жасалған талдау негізінде автор өз түсінігін ұсынады, яғни инклюзивті білім беру- бұл әлемдік білім берудің заманауи тенденцияларына сәйкес даму бағыты, білім беру жүйесінде жоғары құндылықтарға, мәдениетке негізделген жаңа деңгейі екенін алға тарта отырып,инклюзивті білім берудің құрылымын анықтаған.