Бұл мақалада авторлар мұғалімдердің мүмкіндігі шектеулі балалармен жұмыс істеуге
дайындығы инклюзивті білім беруді сәтті жүзеге асырудың маңызды шарты екенін айтады.
Мақалада педагогтардың кәсіби қызметке дайындығының мәні мен құрылымдық
компоненттерінің теориялық тұжырымдамалары әр түрлі ғылыми көзқарастар тұрғысынан
талданған, педагогтардың білім беру инклюзиясы жағдайында жұмыс істеуге психологиялық
дайындығы проблемасының ерекшеліктерін қарастырған.
Ғылыми еңбектерге теориялық талдау дайындық проблемасының негізгі аспектілерін
бөліп көрсетуге,психологиядағы кәсіби қызметке, психологиялық дайындықтың
ерекшеліктері мен құрылымын анықтауға, педагогтарды инклюзия жағдайында жұмыс
істеуге, қазіргі кезеңдегі кәсіби дайындық барысында оны қалыптастырудың негізгі
мәселелерін анықтауға мүмкіндік береді. Нәтижесінде авторлар болашақ мұғалімдердің
инклюзивті білім беруге психологиялық-педагогикалық дайындығы қазіргі әлемдегі адамның
тиімді кәсіби іс-әрекетінің сәттілігінің қажетті шарты болып табылады деген қорытындыға
келді.