Мақала мазмұнында мектепке дейінгі ұйымда дене тәрбиесі сабағында ұлттық ойындарды қолдану мәселесіне жан-жақты ғылыми талдау берілген. Сонымен қатар, балабақша балаларын этнопедагогикалық дүниетанымнан жетілдірудің негізі ұлттық салт-дәстүрлердегі баланың физиологиялық жетілуі тұрғысынан сипатталып, баланың тұлғалық жетілуіне әсері сипатталады. Тұлғаның этномәдени дәстүрлер негізіндегі ұлттық спорт ойындарын қолдану барысында: намыс пен жігер, отансүйгіштік пен әділеттілік, жұптасу мен оппозиция, топтық интеграция, тұлғалыққа өту мен көшбасшылыққа ұмтылу, үйлесімділік пен теңдікке, ақиқат пен шындыққа, дәлдік пен дұрыстыққа, жеңімпаздық монизмге бағытталған рух, өзін және өзгені бағалауға ұмтылған аксиологиялық құндылықтарды қастерлеуге арналады. Сонымен қатар, балабақшада қолданылатын ұлттық спорт ойындары олардың дене бітімін, логикасын, дағдысын және  ептілікке, шапшаңдыққа, қимыл-қозғалыстарын дамтыу жүйесін құрайды.