Бұл мақала инклюзивті білім беру жағдайында химия мұғалімдерін даярлау ерекшеліктеріне арналған. Бұл мақаланың мақсаты – арнайы педагогика мен психология саласындағы білім мен дағдыларды, тиісті әдіснамалық, пәндік және педагогикалық ақпаратты меңгеру болып табылады. Инклюзивті білім беру жағдайында болашақ мұғалімдердің дайындық компоненттері анықталды және олардың кәсіби хабардарлығын көрсететін кәсіби міндеттер топтары тұжырымдалды. Тақырыптың өзектілігі – соңғы жылдары жалпы білім беретін мектептерде ерекше білім беруге қажеттілігі бар балаларға инклюзивті білім беру процесі дамып келе жатқандығы. Инклюзивті тәсіл бүкіл білім беру жүйесін реформалауды талап етеді, ол осы балалардың білім беру қажеттіліктерін қанағаттандыру үшін оқытудың жаңа тәсілдері қолданылуы керек. Бұл процесс барысында оның психологиялық, педагогикалық, әлеуметтік, материалдық және басқа жағдайлармен жеткіліксіз қамтамасыз етілуіне байланысты көптеген мәселелер кездеседі. Негізгі мәселелердің бірі – орта мектепте оқыту кезеңінде мұғалімдерді даярлау. Бұл зерттеудің мақсаты студенттерді (болашақ химия мұғалімдерін) оқытуда ерекше білім беруге қажеттілігі бар балаларға арналған инклюзивті білім беруді жүзеге асыруға дайындаудың құрылымдық-функционалдық моделін теориялық негіздеу болып табылады. Осы мақсатта келесі әдістер қолданылды: теориялық дереккөздерді талдау, пікірталас және педагогикалық модельдеу. Болашақ мұғалімнің үш секторда инклюзивті білім беруді жүзеге асыруға кәсіби және жеке дайындығын қалыптастыруды қамтамасыз ететін дидактикалық жүйе болып табылатын теориялық модель жасалды: теориялық, практикалық және жеке дайындық.