Аңдатпа

Мақалада студенттердің оқу үдерісіндегі перфекционистік қатынастарының психологиялық-педагогикалық ерекшеліктерін қарастыруда алыс және жақын шетелдік, отандық ғалымдардың еңбектеріндегі перфекционизм мәселесінің қазіргі жағдайына талдау жасалады. Бұл құбылыстың құрылымы, түрлері және перфекционизмді анықтаудың белгілі диагностикалық құралдары қарастырылады. Студенттердің оқу үдерісіндегі перфекционистік қатынастарының психологиялық-педагогикалық ерекшеліктерін зерттеуде  перфекционизмді адамның әртүрлі типологиялық сипаттамаларына байланысты жеке қасиет ретінде қарастыру, перфекционизмнің құрылымын зерделеу, перфекционизмге ықпал ететін факторларын анықтау қажет. Сондықтан зерттеуіміздің маңыздылығы тұлғаның бейімделу мінез-құлықтарының ерекшеліктеріне байланысты өзіне бағытталған перфекционистік көзқарастың (өзін-өзі асыра бағалау талаптары), басқаларға (басқаларға шамадан тыс талаптар) және перфекционизмнің әлеуметтік белгіленген түрінің мәнін талдаудан тұрады.