Аңдатпа

Бос уақыт адам өмірі үшін қажетті, адамның өзіндік құнды мінез-құлқын қалыптастыруға, шығармашылыққа, спортпен айналысуға, саяхат жасауға, кітап оқуға, мәдени іс-шараларға баруға, ойын ойнауға және т.б. өзін-өзі дамытуға арналған жұмыстан, сабақтан тыс уақыт. Бұл уақыт адамның өзіндік ерекшеліктеріне сай психологиялық, физиологиялық және рухани дамуына ықпал етуі тиіс. Әрбір адам іс-әрекетін дұрыс ұйымдастыра білу үшін бос уақыт туралы білімі мен біліктілігін дамыту қажет. Мақалада педагогика және психология саласындағы отандық және шетелдік ғалымдардың ғылыми еңбектеріндегі «бос уақыт» ұғымына берілген анықтамалар мен ой - пікірлеріне теориялық талдаулар жасалған, тәжірибеге енгізу жолдары ұсынылған. Бос уақытты дұрыс ұйымдастыру жолдарына ерекше назар аудару, қазіргі таңның өзекті мәселелерінің бірі болып отыр.