Бұл мақалада болашақ педагог-психологтардың цифрлық құзыреттілігінің құрылымы және мазмұны қарастырылады. Ғалымдардың еңбектерін талдау цифрлық құзіреттілік құбылысының өте күрделі екенін, бұл оның құрылымдық компоненттерін әртүрлі әдіснамалық аспектіде анықтаудың қажеттілігін көрсетеді. Сондықтан цифрлық құзыреттілікті дамыту болашақ педагог-психологтарды дайындау үдерісін ұйымдастыруға және оның мазмұнын анықтайтын тәсілдерді өзгертуді көздейді, бұл білім беруді модернизациясын айқындайды. Білім беру жүйесінің модернизациясы ақпараттық білім беру ортасын белсенді түрде ұйымдастырудың қажеттілігін көрсетеді, оның негізгі элементтерінің бірі электрондық білім беру ресурстары болып табылады. Демек, цифрлық құзыреттілік болашақ педагог-психологтардың кәсіби іс-әрекетті жүзеге асырудағы теориялық және практикалық дайындығының бiрлiгiн сипаттайды. Болашақ педагог-психологтардың цифрлық құзыреттілігінің құрылымы тұлғалық-мотивациялық, танымдық, іс-әрекеттік, рефлексиялық- бағалаушылық компонентерден тұрады.