Мақалада кіші буын оқушыларын оқытудағы интегративтік тәсілдің теориялық аспектілері,
зерделену дәрежесі, өзектілігі мен маңыздылығы, интеграцияланған оқытудың мәні мен мазмұны
көрсетілді. Білім алушылардың кешенділігін, білім тұтастығын жүзеге асырудың ерекше үлгісі
ретінде оқытудағы интегративті тәсіл түсінігі, олардың жүйелі ойлауы мен ғылыми дүниетанымы
ашылып көрсетілді. Бастауыш сынып оқушыларының сын тұрғысынан ойлау дағдыларын дамыту
мәселелері қарастырылды. Оқытудың инновациялық әдістерін қолдану ықпалдасу үдерісін жедел-
детуге және оқушының белгілі бір ғылымдарды тану мен зерделеуге қабілетін бастапқы кезеңде
анықтауға мүмкіндік береді. Интегративтік тәсіл педагогикалық үдерістің кез келген компонентінде
өзара байланыс принципін жүзеге асыруға мүмкіндік береді және оның тұтастығы мен жүйелілігіне
әсер етеді.