Мақалада биология сабақтарында жобалық қызмет технологиясы арқылы оқушылардың
функционалдық сауаттылығын қалыптастыру мәселелері қарастырылады. Жоба қызметі – заманауи
мектептің тиімді оқу технологияларының бірі. Мұғалімнің басшылығы мен оқушылардың мақсатты,
дербес қызметі болып табылады. Мұғалім жоба мен жұмыс барысында барлық оқушылардың
жағымды эмоционалдық көңіл-күйін жасайды және тең құқықты серіктес сенімді қарым-қатынасты
ұйымдастырады. Осы технологияның мәні – балалардың белгілі бір білім сомасын игеруді
болжайтын белгілі бір мәселелерге қызығушылығынын таландыру және жобалық іс-әрекет арқылы
алынған білімді іс жүзінде қолдануды көрсету. Бұл жоба жеке жұмысқа, жұптық, топтық жұмыстарға
арналған. Бұл ретте мұғалімнің рөлі өзгереді – қарапайым білім ордаларынан, ол білімді меңгеру
барысын данақты ынтымақтастыққа көшуге ықпал ете отырып, білім алушылар мен бірлескен
жұмысты нақты ұйымдастырушы болады.
Жобалық іс-әрекет негізінде оқушылардың танымдық дағдыларын дамыту, өз білімдерін
өздігінен құрастыра білу, ақпараттық кеңістікте бағдарлай білу, сыни және шығармашылық ойлауды
дамыту жатыр. Бұл технология оқушыларға өз оқу-танымдық іс-әрекеті барысында білім алуға
мүмкіндік береді. Жобалық іс-әрекет қазіргі уақытта оқушылардың негізгі құзыреттілігін
қалыптастырудың ең тиімді құралдарының бірі болып табылады.