Бұл мақалада теориялық талдаулар барысында отбасы-адамгершілік құндылықтардың даму
эволюциясы және генезисі төрт кезеңге бөлініп жіктеледі. Қазақстандық ғалымдардың еңбектеріндегі
«Отбасы» ұғымына контент-талдау (1975-2015 жж.) ұсынылып, «отбасы», «отбасы-адамгершілік
құндылықтар» ұғымдарының құрылымы философиялық, тарихи-әлеуметтік, педагогикалық-психологиялық тұрғыдан сипатталады. «Отбасы», «отбасы-адамгершілік құндылықтар» ұғымдарына
анықтамалар беріліп нақтыланады. Теориялық-әдіснамалық зерттеулер қоры негізге алынып,
ЖОО-дағы студенттердің отбасы-адамгершілік құндылықтарын қалыптастыруға байланысты экспериментті ұйымдастыру алгоритміне сай әдістер бойынша диагностика жұмыстары жүргізілді.
Студенттердің «отбасы құндылықтары» жайлы теориялық білімдерінің деңгейін зерттеу мақсатында
анықтау эксперименті ұйымдастырылды. Ш.Шварцтың «Құндылық сауалнамасы» әдістемесін
жүргізу негізінде сауалнама алынып нәтижесі талданды.