Бұл мақалада ЖОО-да биолог-студенттерді әдістемелік даярлау үдерісінде экологиялық және педагогикалық құзіреттіліктерді қалыптастырудың әдіснамалық және теориялық негіздері, атап айтқанда тенденциялар мен тәсілдер, заңдылықтар мен ұстанымдар қарастырылған. Биолог-студенттердің экологиялық-педагогикалық құзыреттіліктерін қалыптастыру әдістемесі моделінің нысаналы компоненті қоғамды экологияландыру және білім беру жағдайында қазіргі заманғы ЖОО-да педагогикалық білім беру мақсаттары мен әдістемелік дайындық міндеттерін талдау негізінде бөлінген. Процессуалдық компонентті талдау негізінде экологиялық және педагогикалық құзіреттілікті қалыптастырудың кезеңдері, формалары, әдістері, құралдары мен технологиялары белгіленеді. Мазмұндық компонент экологиялық білім берудің мақсаттары, міндеттері, мазмұны, нысандары, әдістері мен құралдары туралы білімді көрсететін когнитивті, әрекеттік, құндылыққа бағдарланған компоненттерге бөлінеді. Экологиялық және педагогикалық құзіреттіліктің мазмұнын игеру индикаторларына, яғни ақпараттық құзіреттілік компоненттерінің мазмұнына ерекше назар аударылады.