Мақалада қазіргі білім берудің өзекті мәселелері қарастырылды – қашықтықтан оқыту жағдайында  педагогикалық үдеріске қатысушылардың өзара байланысы, оны ұйымдастыру барысында оқытудың міндеттері мен мақсаттарын нақтылау, іс-әрекетті мұқият жоспарлау, білім алушылар мен педагог арасындағы кері байланысты қамтамасыз ететін, топтық, жұптық және жеке оқуға мүмкіндік беретін қажетті оқу материалдарын пайдалану көзделеді. Авторлар «қашықтықтан оқыту», «қашықтықтан оқыту технологиясы» ұғымдарын нақтылайды. Қашықтықтан оқытуды жүзеге асыру аясында бастауыш мектеп оқушыларының ата-аналары мен мұғалімдердің әрекеттесуге дайындығын анықтайтын сауалнама нәтижелері ұсынылған. Оқу әрекеттік қатынастың сипатына қарай білім алушылардың үш тобына сипаттама берілді. Қашықтықтан оқыту жағдайындағы педагогтарда және отбасында туындайтын қиындықтар атап өтілді, сонымен қатар бастауыш сынып оқушыларын табысты оқыту үдерісін жүзеге асыру бойынша ұсыныстар берілді.