Мақалада мүгедектігі бар адамдардың жоғары оқу орындарында сапалы кәсіби білім алу құқығын қамтамасыз ету үшін жоғары оқу орындарында арнайы жағдайлар жасау мәселелері қарастырылады.

            Мүгедектігі бар студенттерді сапалы оқыту үшін жоғары оқу орындарында оңтайлы арнайы жағдайлар тізбесін айқындау мақсатында Қазақстан Республикасы Білім және ғылым министрлігі Жоғары және жоғары оқу орнынан кейінгі білім департаментінің тапсырмасына сәйкес қазақстандық жоғары оқу орындарының осындай жағдайлар жасау жөніндегі тәжірибесін зерделеу ұйымдастырылды.

            Қазақстандық жоғары оқу орындарында мүгедектігі бар студенттерді оқыту процесінің жай–күйі, оларға қолданылатын жеңілдіктер, инклюзивті білім беру бойынша нормативтік құжаттарды әзірлеу, кадрлармен қамтамасыз ету, ғимараттардың қолжетімділігі, мүгедектігі бар студенттердің психофизикалық ерекшеліктеріне бейімделген оқу процесін материалдық-техникалық және оқу–әдістемелік қамтамасыз ету, сондай-ақ мүгедектігі бар студенттердің әлеуметтік-мәдени қызметке тартылу деңгейі талданды.