Бұл мақалада әлеуметтік белсенділіктің есту қабілеті зақымдалған бастауыш сынып оқушыларының ақыл-ой және сөйлеу даму деңгейімен өзара байланысы туралы айтылған. Сонымен қатар, нашар еститін бастауыш мектеп оқушыларының тілдік даму мәселелерін ғылыми-теориялық және практикалық әртүрлі жағдайда зерттеу бойынша материал ұсынылған. Сондай-ақ, есту қабілеті бұзылған бастауыш сынып оқушыларының әлеуметтік белсенділігін дамыту және сөйлеу тілін дамыту проблемасы қазіргі заманғы бастауыш мектептің күрделі міндеті болып табылатынына баса назар аударылады. Автор естімейтін балалардың әлеуметтік белсенділігін қамтамасыз ету үшін педагогтардың отбасымен тығыз байланысы қажет екендігін көрсетеді. Ата-аналар тәрбие-білім беру үдерісіне белсенді қатысулары қажет. Бұл мәселені шешу арнайы білім беру жүйесін дамыту үшін өте өзекті болып табылатындығы жайында баяндалады.

Түйін сөздер: әлеуметтік белсенділік, есту қабілетінің зақымдалуы, әлеуметтендіру, қазіргі заманғы білім беру.