Бұл мақала заманауи білім берудегі өзекті мәселелердің бірі - тілдік білім беру саласында цифрлық технологияларды дамыту перспективаларын қарастырады. Зерттеудің мақсаты - шет тілдерін оқытудың дәстүрлі тәсілдерін және тілдік құзыреттілікті қалыптастыру әдістемесін біртіндеп өзгертетін цифрлық құралдар, онлайн-платформалар мен зияткерлік жүйелердің мүмкіндіктерін ғылыми тұрғыдан талдау. Мақалада тілдік білім беруді цифрландыру саласындағы ұлттық және халықаралық бастамаларға аналитикалық шолу жасалып, оқытушылар мен студенттердің осындай технологияларды оқу процесінде қолдануға деген қабылдауы мен дайындығы зерттелген.

Зерттеудің мақсаты - тілдік оқытудың тиімділігі мен интерактивтілігін арттыруға бағытталған цифрлық технологияларды одан әрі дамытудың негізгі бағыттарын анықтау. Осы мақсатқа жету үшін салыстырмалы талдау, ғылыми жарияланымдардың контенттік талдауы және қазақстандық жоғары оқу орындарының тілдік бағыттарында оқытушылар мен студенттер арасында сауалнама жүргізу әдістері қолданылды.

Эмпирикалық бөлім Bolashaq Mektebi білім беру орталығында (Алматы қ.) 12 апталық педагогикалық эксперимент форматында жүзеге асырылды. Аралас цифрлық оқыту моделі жалпы тілдік баллдың айтарлықтай өсуін және ауызша коммуникация кезіндегі мазасыздық деңгейінің төмендеуін көрсетті; жинақталған нәтижелер 2-кестеде берілген.

Зерттеу нәтижелері цифрлық платформаларды, жасанды интеллект жүйелерін, виртуалды және толықтырылған шындық орталарын біріктіру студенттердің белсенділігін арттырып, кері байланыстың сапасын жақсартатынын және оқу траекториясын жекелендіруге мүмкіндік беретінін көрсетті. Сонымен қатар, әдістемелік және ұйымдастырушылық кедергілер анықталып, оларды еңсеру үшін кешенді тәсіл қажет екені атап өтілді. Қорытындыда тілдік білім берудің тұрақты дамуын қамтамасыз ететін цифрлық инфрақұрылымды және педагогикалық практикаларды жетілдірудің негізгі басымдықтары айқындалды.