Дүниежүзілік білім кеңістігі теориялық білімді меңгерген ғана емес, сонымен бірге жеке және кәсіби құзыреттерге ие, заманауи еңбек нарығының талаптарына тез бейімделе алатын мамандарды талап етеді. Көптеген елдер практикалық-бағдарланған оқу қазіргі таңда білім саласындағы маманға қажетті құзыреттерді дамыту, сондай-ақ кәсіби қызмет тәжірибесін алу үшін қажетті бөліктерді қамтиды деген қорытындыға келді. Практикалық бағдарланған оқу практикалық қызмет барысында теориялық білімді қолдану негізінде жүзеге асырылады. Аталған мақала педагогикалық практиканы практикалық-бағдарланған оқудың бір түрі және болашақ педагогтердің құзыреттерін қалыптастыру құралы ретінде қарайды. Мақалада АҚШ, Германия және Израильде практиканы ұйымдастыру тәжірибесі қаралды. Эмпирикалық әдістердің көмегімен Л.Н. Гумилев атындағы Еуразия ұлттық университетінің үлгісінде «Әлеуметтік педагогика және өзін-өзі тану» мамандығының магистранттарында кәсіби құзыреттердің қалыптасу деңгейі анықталды және педагогикалық практиканың міндеттері, принциптері мен оқу технологиялары қаралды; практиканттар тап болған проблемалар тізбектелді. Негізгі проблемалардың арасында қашықтан оқуға өту, психологиялық аспект, тілдесу мен білім ортасының болмауы аталған. Қорытындыда туындаған проблемаларды жою жөнінде ұсыныстар берілді.