Бұл мақалада Қазақстандағы болашақ бастауыш сынып мұғалімдерінің кәсіпкерлік құзыреттілігін дамытуға бағытталған Smart Coach моделінің практикалық қолданылуы стратегиялық тәсіл ретінде қарастырылады. Сауалнама, сұхбат және сабақ барысындағы бақылауларды қамтитын аралас әдіснама негізінде жүргізілген зерттеу - инновациялық сыныптан тыс платформаның көшбасшылық, мәселелерді шешу, креативтілік және бейімделу сияқты негізгі кәсіпкерлік дағдылардын дамыту жолдарын көрсетеді. Модель мұғалімдерді даярлаудағы жаһандық үрдістер аясында қарастырылады және ұлттық білім саясаты мен педагогикалық даярлық арасындағы алшақтықты еңсеруге бағытталған. Мақалада кәсіпкерлік оқыту, қаржылық сауаттылық, бизнес-инновациялық стратегиялар және жобалық оқытуды педагогикалық оқу бағдарламаларына енгізудің жүйелік маңыздылығы талданады. Сонымен қатар, қазіргі білім беру талаптарына сай келетін, ауқымды және кәсіби бағытталған реформалардың қажеттілігі атап өтіледі. Бұл модельдің орталық құрамдас бөлігі – Абай атындағы Қазақ ұлттық педагогикалық университеті жанынан құрылған Smart Coach клубы. Клуб болашақ мұғалімдер үшін сарапшылар өткізетін семинарларға, бизнес өкілдерімен серіктестікке және өз стартаптарын жүзеге асыру мүмкіндіктеріне қол жеткізетін белсенді орта болып табылады.