COVID-19 пандемиясы енді жаһандық төтенше жағдай ретінде қарастырылмаса да, оның бүкіл әлемдегі мұғалімдерді даярлау жүйелеріне ықпалы ұзақ мерзімді құрылымдық және педагогикалық өзгерістерге алып келді. Пандемиядан кейінгі кезеңде педагогикалық білім беру саласындағы зерттеулер жедел қашықтан оқытудан тұрақты цифрлық трансформацияға, орнықтылыққа және педагогикалық тәжірибедегі инновацияларға бағытталды. Сондықтан пандемия кезеңіндегі және одан кейінгі зерттеу үрдістерінің эволюциясын талдау жаһандық мұғалім-дерді даярлау жүйелерінің білім беру үдерісіндегі дағдарыстар мен ұзақ мерзімді цифрлық өзгерістерге қалай бейімделетінін түсінуге құнды мүмкіндік береді. Зерттеу аясында негізгі жарияланым үрдістері, ең көп дәйектелген еңбектер, өнімділігі жоғары авторлар, ықпалды ғылыми мекемелер және зерттеу саласындағы ынтымақтастық желілері анықталды. Талдау үшін біз RStudio-дағы Bibliometrix пакетін және Biblioshiny веб-қосымшасын пайда-ланып, 2 185 рецензияланған зерттеуді зерттедік. Талдау барысында жарияланымдар мен дәйексөз алу үлгілері, ең көп дәйектелген мақалалар, авторлық өнімділік, елдер бойынша үлестер, мекемелердің ықпалы және журналдардың беделі қарастырылды. Сондай-ақ, елдер арасындағы ынтымақтастық желілері мен қосымша дәйексөз алу үрдістері Three-Fields plots және Trend Topics талдауы арқылы визуализацияланды. Нәтижелер бойынша Sustainability және International Journal of Environmental Research and Public Health ең ықпалды ғылыми басылымдар ретінде анықталды. Калифорния университеті мен Монэш университеті жетекші зерттеу мекемелері ретінде ерекшеленді. Дэниел (2020) ең көп дәйектелген мақала болды (868 дәйексөз), ал ең өнімді авторлар Ян Х. және Лю Х. деп танылды. Зерттеу көлемі бойынша АҚШ, Қытай және Испания көш бастады. Бұл библиометриялық талдау пандемиядан кейінгі кезеңдегі мұғалімдерді даярлау зерттеулерінің даму динамикасын жан-жақты сипаттайды. Алынған нәтижелер саясаткерлер, педагогтер және зерттеушілер үшін құнды ақпарат беріп, мұғалімдерді даярлау саласындағы болашақ жетістіктерге жол ашады.