Мақалада авторлар Қазақстан мектептерінің директорлары үшін көшбасшылық моделіне талдау жүргізді. Бұл модель Қазақстан мектептері директорларының сауалнамасының деректеріне, сондай-ақ табысты мектеп басшылығының халықаралық жобасымен (ISSPP) ұсынылған тұжырымдамалық негіздерге негізделген. Осы модель контекстік факторлардың, үлестірілген көшбасшылықтың және мектептің әлеуетін дамытудың маңыздылығына назар аударады. Ол мектептерді басқаруды жақсарту үшін практикалық құралдарды ұсына отырып, елдің мәдени, экономикалық және білім беру ерекшеліктерін ескереді. Модель білім беру ортасын нығайтуға және басқару тиімділігін арттыруға бағытталған бірнеше негізгі элементтерді қамтиды.

Авторлар жүргізілген ғылыми-педагогикалық, арнайы әдебиеттерді талдау және талдау деректеріне сүйене отырып, өз зерттеулерінде "университет-мектеп" ынтымақтастығы шеңберінде директорлық институтын дамыту мәселесін шешуге қатысты Қазақстан мектептерінің директорлары үшін көшбасшылық моделінің негізгі идеялары мен компоненттерін бейімдеуге және қандай да бір жолмен көшбасшылық критерийлеріне сәйкес келетін қасиеттерді анықтауға тырысты. Директордың жаңа формацияның көшбасшысы ретіндегі моделін, оның компоненттерін, критерийлері мен көрсеткіштерін әзірлеу көшбасшылық қасиеттер теориясының, көшбасшылықтың мінез-құлық теорияларының және көшбасшылықтың ситуациялық теорияларының, кәсіби даму теорияларының, педагогикалық қызмет теорияларының, менеджмент теорияларының, диагностика нәтижелерінің және мектеп директорларының көшбасшылық дағдыларын дамыту қажеттілігін талдаудың негізгі ережелеріне негізделген.