Мақалада жобалық оқыту тұрғысындағы педагогикалық бірлескен әрекеттестік жаңашыл білім берудің ең құнды және өзекті технологияларының бірі ретінде талданады. Зерттеу мәселесі оқыту процесінде мұғалім мен оқушының функцияларын  қайта қарастыру қажеттілігінде жатыр, бұл серіктестік пен бірлескен қызметке назар аударуды талап етеді. Зерттеудің мақсаты – жобалық оқытудағы мұғалім мен оқушының өзара ықпалдастығының ерекшеліктерін табу, олардың рөлдерін анықтау және педагогикалық нәтижелерге тигізер пайдасын бағалау. Негізгі зерттеу әдістеріне теориялық және салыстырмалы талдау, ғылыми әдебиеттерді  шолу, бақылау әдісі, педагогикалық практикаларды талдау, сондай-ақ жобалық әдісті қолдану тәжірибесін жинақтау кіреді. Зерттеу нәтижелері жобалық оқыту сын тұрғысынан ойлау, коммуникация дағдылары, креативтілік және командада жұмыс істеу сияқты XXI ғасырдың айрықша құзыреттерін дамытуға әсер ететінін, сонымен қатар мұғалім мен оқушы арасындағы серіктестік байланыстарды нығайтатынын көрсетті. Осылайша, алынған нәтижелер мен қорытындылар жобалық әдістің заманауи білім беру сын-қатерлері жағдайында білім алушылардың дербестігін, өзіндік ерекшелігін,   жауапкершілігін және тиімді әлеуметтенуін қалыптастырудағы маңыздылығын көрсетеді.