Мақалада Қазақстан Республикасының жалпы білім беретін мектептеріндегі медиабілімді дамыту үдерістерін зерттеу нәтижелері ұсынылған. Авторлар қазіргі жағдайда медиа сауаттылық білім беру жүйесінде маңызды рөл атқаратынын көрсетті. Оқушылардың клиптік ойлауы, гаджеттердің оқу процесіне әсері, медиа әлеуметтену, киберқауіпсіздік, бұрмаланған шындық, қоғамдық сананы манипуляциялау медиа-педагогиканы зерттеудің өзекті мәселелері болып табылады. Бұл процестер жас ұрпаққа және олардың ата-аналарына әсер етеді. Зерттеу білім беру процесі субъектілеріне – оқушыларға, олардың ата – аналарына және мұғалімдерге әлеуметтік сауалнама аясында жүргізілді, 16 357 респондент іріктелді, оның ішінде оқушылар – 4860, ата – аналар-7919, мұғалімдер-3578 адам. Медиапедагогиканың даму процестерін зерттеу білім алушылардың табысты әлеуметтенуін қамтамасыз ету ғана емес, сондай-ақ медиасауаттылықты дамыту, киберқауіпсіздікті қамтамасыз ету, білім алушыларды психологиялық-педагогикалық сүйемелдеуді қолдану, сондай-ақ өзін-өзі таныту және одан әрі кәсіби өзін-өзі айқындау үшін білім беру ортасының цифрлық ресурстарын пайдалану қажеттігі туындайтынын көрсетті. Медиа-педагогиканың дамуы қазіргі жағдайда тұлғаның сәтті әлеуметтік дамуын қамтамасыз етеді.