Мақалада болашақ дизайн мамандарының инновациялық әрекетін студентке бағдарланған оқыту негізінде дамытудың маңыздылығы баяндалған. Бірқатар ғалымдардың ой-тұжырымдарына талдау жасалып, атап айтқанда елімізде болашақ мамандарды шығармашылық іс-әрекетке даярлау мәселелерін зерттеген ғалымдардардың еңбектері көрініс тапқан. Сонымен қатар, қазіргі таңдағы білім беру үдерісіндегі болашақ мамандарды даярлаудың маңызды алғышарттары анықталған. Ғылыми-педагогикалық зерттеулердің нәтижелеріне негізделген мәліметтер берілген. Сонымен қатар, қазіргі таңда біздің елімізде білім беру жүйесін жақсарту, дизайн мамандарының инновациялық әрекетін студентке бағдарланған оқыту негізінде дамыту тиімділігі қаралған. Инновациялық әрекетке даяр болу деңгейлері мен маманның инновациялық әрекетке даярлығын танытатын келесі көрсеткіштер жүйеленді. Болашақ дизайн мамандарының инновациялық әрекетін студентке бағдарланған оқыту негізінде инновациялық әрекетке даярлау арнайы әдістемелері дайындалып, эксперименттік жұмыс талдаулары мақала мазмұнында көрініс табады.