Бұл мақалада Қазақстанның жалпы білім беретін мектептер желісіндегі мұғалімдерді бағалау моделінің бір бөлігі болып саналатын рефлексиялық есеп зерделенеді. Зерттеуде аралас әдістерді қолдану арқылы осы контексте мұғалімдердің рефлексиялық тәжірибесіне әсер ететін факторлар қарастырылады. Мектеп мұғалімдерінен алынған сауалнама (n=469) және бағалауға қатысты құжаттар талдауы мұғалімдердің рефлексиялық есептерді педагогикалық тәжірибелерін жетілдіру үшін құнды деп қабылдайтынын көрсетеді. Дегенмен, бірнеше факторлар, соның ішінде көлемді жұмыс жүктемесі, рефлексиялық есеп жазуға қойылатын талаптардың жоғары болуы, уақыт жетіспеушілігі, жазбаша рефлексия жүргізу тәжірибенің болмауы және критерийлер туралы түсінігінің жеткіліксіз болуы олардың оқыту тәжірибесін сыни тұрғыдан бағалауға кедергі келтіреді. Зерттеуде рефлексиялық есептерді мұғалімдерді бағалау шеңберінде тиімді пайдалануы үшін саяси деңгейде аталған міндеттерді шешу қажеттілігі көрсетіледі.  Зерттеу аясында Қазақстанда және басқа елдерде жеткілікті түрде зерделенбеген - мұғалімдердің тәжірибесін бағалауда рефлексиялық есептерді қолдану мәселе қарастырылады. Мұғалімнің рефлексиясын бағалау компоненттерінің бірі ретінде тиімді қолдану үшін ұсыныстар беріледі.