Бүгінгі күні оқу жетістіктерін бағалау орта мектептегі білім берудің көп қырлы аспектілерінің бірі
болып табылады, оқу үдерісінде қалыптастырушы, ынталандырушы, анықтаушы, бағыт беруші
факторлары рөлін атқарады. Бағалау үнемі жетілдіріліп отырады, ауқымын кеңейтеді. Білім
алушылардың оқу жетістіктерін бағалаудың даму тарихы білім берушінің іс-әрекетінен бастау алады, бұл
жөнінде ежелгі дәуірдегі философтар өз еңбектерінде жазып қалдырған. Бағалау жүйесінің
маңыздылығына қатысты әр кезеңде әртүрлі көзқарастар қалыптасты. Қазіргі уақытта жаңа кезеңге
сәйкес бағалау қайта қарастырылды, техникалық жаңашылдыққа қатысты бейімделді.
Мақалада әлемдік білім беру кеңістігіндегі бағалау жүйесінің даму тарихы қарастырылды, сондай-ақ,
қазақстандық ұлы ойшылдар мен педагогтердің ойлары, пікірлері келтірілді.