Соңғы онжылдықта оқыту технологияларының қарқынды дамуына байланысты ЖОО-да мобильді оқытуды енгізуге және оны қолдануға деген көзқарас өзгеруде. Сол себепті бұл мақалада білім алушылардың мобильді оқытудың (M-learning) ұлттық құндылықтарға баулу құралы ретіндегі  мүмкіндіктерін зерттеу нәтижелері сөз болады.

Бұл зерттеудің мақсаты – бастауыш білім беру мамандығында оқитын болашақ педагогке ұлттық құндылықтарды дәріптеуді мобильді орта, яғни бұл жерде мобильді контент арқылы дәріптеуге деген көзқарасын анықтау болды. Сабақта мобильді технологияларды қолдануға қатысты студенттердің көзқарасы анықталып, мобильді қосымшаларды қолдану арқылы ұлттық құндылықтарды дәріптеу мүмкіндігі туралы түсініктерін анықтау мақсатында сауалнама әзірленді. Сауалнама нәтижесінде студенттерді ұлттық құндылыққа баулуда мобильді құрылғылардың мүмкіндіктері туралы түсініктері мен көзқарастары жинақталып, мобильді орта құрудың жолдары мен мобильді контент тақырыптары анықталды.