Мақалада соңғы кезде қоғамда жиі кездесетін өзекті мәселелердің бірі – мобильді бұлтты технологиялардың білім беру секторына айтарлықтай әсері және оларды аралас оқытуда қолдану студенттерге бағытталған оқытуды жеңілдетуде тиімді екені қарастырылған.  Қарастырылып отырған мобильді бұлтты технологиялар  студенттерге көптеген ақпаратқа, білім беру құралдары мен ресурстарға қол жеткізуге мүмкіндік береді, бұл оқытуды интерактивті және қызықты етеді. Аралас оқыту дәстүрлі бетпе-бет оқытуды технологиялық жетілдірілген оқытумен біріктіреді, бұл жекелендірілген және икемді оқу тәжірибесін қамтамасыз етеді. Мақалада білім беру процесіне мобильді бұлтты технологияның мүмкіндіктерін пайдалана отырып, оқытушылар студенттерге өз оқуына белсенді қатысуға және 21 ғасырдың ең маңызды дағдыларын дамытуға көбірек мүмкіндіктер беру қарастырылды. Сондай-ақ оларды өздерінің кәсіби құзыреттілігінің қалыптасуына қажетті ресурстарды алумен қатар білікті маман ретінде қабілеттілігін арттыруға мүмкіндік алады. Осы процеске байланысты технологиялық және әдістемелік мәселелер талданады. мобильді бұлтты технологияларын қолдану кезіндегі пайдаланушыларға арналған біліктілікті арттыру істерінің алатын орны, маңыздылығы туралы айтылып, оларды онлайн түрінде қолдану істері талданған.

Мақаланың мақсаты – университетте аралас оқыту процесінде мобильді және бұлттық технологияларды пайдалануға негізделген студенттерге бағытталған тәсілді енгізу мәселесін, аралас білім берудегі мобильді бұлтты оқыту технологиясын пайдалана отырып, студенттерге бағытталған тәсілмен ағымдағы жағдайды талдау және қарастыру болып табылады.  Білім берудегі жаңа білім беру траекториясы мобильді құрылғылар мен бұлтқа негізделген қосымшаларды қолдана отырып оқытуды қамтиды. Мобильді технологиялар мен бұлтты есептеулерді қолдану оқу мүмкіндіктерін кеңейтіп, оқытушылар мен студенттерге жаңа мүмкіндіктер туғызды.  Мобильді технологиялар мен бұлтты есептеулерді білімге біріктіру икемді, қолжетімді және жекелендірілген оқытудың жаңа дәуірін ашады.