Тарихи, әдеби мұралардағы әлеуметтік-тәлімдік ойларды оқу мазмұнына ендіру бір жағынан
білім алушылардың тарихи тәжірибелерді танып-білуі арқылы, ттәжірибелік біліктілігін байытуға
көмектессе, екінші жағынан әлеуметтік педагог мамандардың ішкі жан-дүниесін байытып, сезім мен
білімнің ұштасуына және оның іс-әрекетінде көрініс беруіне шарт түзеді.
Адамдар қауымында қай заманда болмасын белгілі бір қайшылықтар болып тұрғандықтан, оны
реттеуге қатысты ой-пікірлерде туындап, кейде тіпті қолданылып та келген. Тарих қойнауына еніп
кеткен сол пікірлерді тауып қазіргі күні пайдаланудың да тиімді жолдарын қарастыру мәселесін
танып-білу қажеттігі бар.
Әлеуметтік педагогика басқа ғылым салаларымен тығыз байланысты. Айталық, белгілі бір
себептердің салдарынан физиологиясына (денесіне) зақым келген адаммен жұмыс істеу үшін, дене
мүшелерінің ауытқу немесе қызметінің бұзылуын ұғынған да ғана әлеуметтік педагог онымен
жұмысты дұрыс ұйымдастыруға болады. Сол секілді психикасына зақым келген адаммен жұмыс
істеу үшін психиатрияны білуі қажет. Сондықтан әлеуметтік педагогикалық қызметте ғылымның
көптеген салаларын танып-білу міндеті қойылады.