Мақалада тіл болашақ педагогтардың ұлттық сана-сезімінің басты компоненті, детерминанты
ретінде қарастырылады. Қазақстандағы барлық ұлттардың өзінің тілдері сол елдің тарихи-мәдени
мұрасы, ұлттық меншігі болып табылады. Сондықтан, Қазақстанда тіл саясаты жағдайында болашақ
педагогтардың ұлттық сана сезімінің құрылымындағы басты компоненті ретінде тілдің
маңыздылығын зерттеудің өзектілігі жоғары.
Тіл ұлттардың бірлігі, өзге этникалық топтың өкілдеріне деген толерантты қатынас, ұлтаралық
келісім және рухани мұраның сақталуы мен мәдениеттің дамуының негізгі құрылымы. Педагог тілді
тасымалдаушы және тілдік мінез-құлықты қалыптастырушы ретінде келесі кәсіби тапсырмаларды
орындайды: білімалушылардың құндылықты бағдарын, өзінің және басқа ұлттардың тілін,
мәдениетін, дәстүрін құрметтеу, конструктивті ұлтаралық қатынас пен диалогқа даярлығы.
Педагогтың тілдік құзыреттілігі оның кәсіби тапсырмаларының тиімді шешімі болып табылады.