Мақалада бастауыш сынып мұғалімдерінің жобалау-зерттеу әрекетін ұйымдастырудың ағымды жағдайы өткізілген сауалнаманың қорытындысы бойынша талданған. Тақырып бойынша әдеби шолу жасалынып, зерттеуде, сонымен қатар, бастауыш мектептегі жобалау-зерттеу әрекетінің маңыздылығы мен қажеттілігі қарастырылған. Бұл зерттеудің мақсаты – бастауыш сынып мұғалімдерінің жобалау-зерттеу әрекетіне көзқарасын және олар кездесетін қиындықтарды айқындау. Осы мақсатта диагностикалық сауалнама жүргізілді және нәтижелер талданды.  Барлық мектептерде жобалау-зерттеу әрекеті ұйымдастырылғанмен респонденттердің жартысынан көбі аталған әрекетті ұйымдастырмайды және қалай ұйымдастыру керек екенін білмейді. Мақалада көрсетілген диагностика кешенді зерттеудің бастапқы бөлігі болып табылады. Зерттеу кейбір мұғалімдердің оқушылармен жобалау-зерттеу әрекетін ұйымдастырмауының негізгі себептерін көрсетеді.

Мақалада бастауыш сынып мұғалімдердің жобалау-зерттеу әрекеттеріне қатысты ұсынылған тұжырымдар зерттеудің келесі кезеңдерінде жалғасын тауып, нақтыланады.