Қазіргі уақытта ақпарат алмасу, әсіресе академиялық қоғамдастықта ақпарат алмасу ауызша емес, көбінесе жазбаша түрде жүзеге асады: зерттеу нәтижелерін, зерттеу эсселері мен мақалаларын, студенттердің тезистері мен диссертацияларын жариялау сияқты процестер. Осыған байланысты ғылыми және академиялық мәтіндерді жазуды үйрену қажеттілігі күрт өсуде, бұл өз кезегінде академиялық жазуды өзекті ететіндігі анық. Жазу когнитивтік дағдылар мен құзіреттіліктерді қамтитын күрделі әрекет болғандықтан, формулалық секвенцияларды оқыту жазбаша дискурстың қосалқы құзыреттілігін, демек, академиялық жазу құзыреттілігін дамытудың жарамды әдістерінің бірі ретінде орын алуы мүмкін. Бұл зерттеуде академиялық формулалық секвенцияларды оқытудың магистранттар арасында академиялық жазу құзыреттілігін қалыптастыруға әсерін талдауға бағытталады. Зерттеу он төрт респондентпенті бар эксперименттік жағдайды зерделеу арқылы жүзеге асырылды. Зерттеу нәтижелерін талдауы студенттердің формулалық секвенцияларды пайдаланудың жиілігінің сандық есебін қолдана отырып жүргізілді: алдын ала тестілеу, үлгерім тесті, кейінгі тестілеу және кешіктірілген кейінгі тест; бұл динамикасын бақылауға мүмкіндік берді. Қорытындылар академиялық формулалық секвенцияларды мақсатты түрде оқыту студенттерге күрделі сөйлемдер құру, ойды еркін жеткізу, сабақтастық пен салаластық тұрғысынан академиялық мәтінді құру сияқты дағдыларды дамытуға көмектесетінін ескеруге мүмкіндік береді, бұл жазбаша дискурстың дамуына сөзсіз ықпал етеді.