Бұл мақалада мектепте физиканы оқыту кезінде робототехника элементтерін қолданудың өзекті мәселелері қарастырылған. Басқа мемелекеттердегі мектептерде робототехниканы оқыту тәжірибесіне шолу жасалды. Негізгі назар орта білімнің МЖМБС-на «Алғашқы әскери және технологиялық дайындық» пәнін енгізу үшін ҚР БҒМ алдын ала жүргізген дайындық жұмыстарына және оқу-әдістемелік база құру қажеттілігіне бағытталған. Мақаланың мазмұнында оқытудың нақты моделі, белгілі бір әдіс пен алгоритм берілмеген. Бұнда қосымша білім беру аясынан шығудың қажеттілігі мен тиімділігін негізге алып, мектепте әртүрлі пәндерді, нақты айтқанда физиканы игертуде робототехниканы қолдану ұсынылған. Сондай-ақ бұрынғы кезде робототехника техникалық дағдыларды дамытуға арналған құрал болса, қазір іргелес пәндерді оқыту жолы болып есептеледі. Бұндай көзқарас алдағы уақытта еңбек резервіндегі техникалық оқытуды дамыту үшін пропедевтикалық базаны жетілдіруде қажет.