Бұл мақалада бастауыш мектеп оқушыларының сөздік-логикалық ойлауын психодиагности-
калауда Э.Ф. Замбацявичене әдістемесінің Л.И. Переслени модификациялаған нұсқасы, «Сөздік
субтестілер» мен балаларға арналған үрейлілік шкаласының (The Children’s Form of Manifest Anxiety
Scale – CMAS) А.М. Прихожан модификациясындағы нұсқалардың тәжірибеде қазақша қолданылуы
қарастырылған. Әдістемелердің мектепке дейінгі жастағы және бастауыш мектеп жасындағы, бейін
алды мектеп жасындағы балалардың сөздік-логикалық ойлауының динамикасын анализдеуге
арналған орыс тіліндегі нұсқасы қазақ тіліне аударылып, оларды бастауыш мектеп оқушыларының
сөздік-логикалық ойлауын зерттеуге пайдаланылды. «Сөздік субтестілер» әдістемесінің және
балаларға арналған үрейлілік шкаласының (The Children’s Form of Manifest Anxiety Scale – CMAS)
А.М. Прихожан модификациясындағы нұсқаларын пайдаланып, бастауыш мектеп оқушыларымен
психологиялық-педагогикалық эксперимент жүргізіліп, экспериментке қазақ және орыс тілін жақсы
меңгерген респонденттер іріктелініп алынды. Эксперимент екі кезеңде жүргізіліп, І-кезеңде 9-10
жастағы балалардың сөздік-логикалық ойлауының және үрейлену деңгейінің дамуы қазақ тіліндегі
әдістемені пайдаланып жүргізілсе, ал ІІ-кезеңде осы жастағы балалармен әдістемелер орыс тілінде
жүргізіліп, нәтижелеріне салыстырмалы талдау жасалынды. Экспериментте әдістемелердің орысша-
қазақша нұсқасын қолданудағы нәтижелерінің өзара байланысы математикалық-статистикалық
әдістермен талданып, айқындалды.