Мақаланың мақсаты "Информатика" мамандандырумен болашақ бастауыш сынып мұғалімдерін
кәсіби дайындық үдерісінде ақпараттық-технологиялық құзыреттілік жүйесін қалыптастыруға қа-
жетті психологиялық-педагогикалық жағдайларды сипаттау болып табылады.
Мақаланың негізін авторлардың ЖОО-дағы көпжылдық педагогикалық қызметі барысында,
сондай-ақ бастауыш мектептің математикасы мен информатикасының теориялық негізіне арналған
әдеби дереккөздерді талдау нәтижесінде жинақталған практикалық материалдары құрады.
Бұл мақаланың проблемасы "Информатика" мамандандырумен болашақ бастауыш сынып
мұғалімдерінің кәсіби құзыреттілігін қалыптастыру бойынша ЖОО оқытушыларының қызметімен
байланысты. Сонымен қатар, бастауыш мектептің білім беру үдерісінде медиатехнологияларды
қолданудың арнайы дағдыларын меңгеруге бағытталған болашақ педагогтарды даярлау қажет-
тілігінің негіздемесі ұсынылған.
Зерттеу нәтижелері бастауыш сынып мұғалімінің ақпараттық-технологиялық құзыреттілігін
қалыптастыру процесін жобалау бойынша білім беру бағдарламаларын, әдістемелік ұсынымдар мен
нұсқауларды құрастыруда қолданылуы мүмкін.