Мақалада автор болашақ дене мәдениеті мұғалімінің басқарушылық құзыреттілігін
қалыптастырудың компоненттері мен көрсеткіштерін анықтауға тырысады.
Ғылыми әдебиеттерді талдау барысында басқарушылық құзыреттілікті қалыптастырудың ішкі
және сыртқы ресурстары қарастырылады. Ғалымдардың тұжырымдарына сүйене келе басқарудың
қызметтерін анықтайды: ақпараттық-аналитикалық, мотивациялық – мақсаттық, жоспарлыболжамдық, реттеуші-түзетушілік, ұйымдастырушылық-атқарушылық.
Зерттеу барысында негізгі ұғым «басқарушылық құзыреттілікке» анықтама беріп, оның құрамдас
бөліктерін, яғни құзыреттер жиынтығын бөліп ажыратады. Автор аталмыш мәселені зерттей
келе,болашақ дене мәдениеті мұғалімінің басқарушылық құзыреттілігін қалыптастырудың
компоненттерін анықтаған. Әрбір компонентке сәйкес көрсеткіштер нақтыланады.