Бұл аналитикалық жазбахатта 2015, 2018 жылдардағы PISA халықаралық салыстырмалы зерттеу циклдарының нәтижелерімен салыстырылатын PISA-2022 тестілеу нәтижелері негізінде 15 жастағы қазақстандық жасөспірімдердің мансаптық бейімділіктері мен мансаптық амбициялары қарастырылады. PISA халықаралық салыстырмалы зерттеуінің нәтижелері үш фактор аясында қарастырылады: гендерлік, әлеуметтік-экономикалық жағдай және білім беру ұйымының орналасқан жері. Әрбір әсер ету факторы үшін мансаптық шоғырлану мен мансаптық амбициялардың үлестері анықталады, басқаша айтқанда, ең танымал мамандықтарды таңдау, сонымен қатар жасөспірімнің жоғары деңгейдегі дағдыларды қажет ететін кәсіппен айналысуға деген ұмтылысы анықталады. PISA-2022 тестілеу зерттеуінің нәтижелері бойынша қазақстандық жасөспірімдер үшін ең танымал мамандықтар тізіміне дәрігерлер, мұғалімдер, бағдарламалық жасақтама мен қосымшаларды әзірлеушілер мен талдаушылар, сондай-ақ стоматологтар енді. PISA-2022 тестілеуінің нәтижелері бойынша Қазақстандағы жасөспірімдердің көпшілігі жоғары мансаптық ұмтылыстарға ие.
Түйін сөздер: жасөспірімдердің мансаптық бейімділігі, мансаптық шоғырлану, мансаптық амбициялар, мектептегі кәсіби бағдар, танымал мамандықтар