Білім берудің цифрлануы мен жеке білім алу траекторияларына сұраныстың артуы жағдайында Stackable Degree моделі формалды білім беру құрылымында икемділік, модульдік және микробіліктіліктерді мойындауды қамтамасыз ететін магистратураның болашағы зор форматы ретінде қарастырылады. Зерттеудің мақсаты – педагогикалық бағыттағы магистранттарды даярлауда аталған модельді енгізудің тиімділігін бағалау. Халықаралық тәжірибені (АҚШ, Ұлыбритания, Австралия, Сингапур, Қазақстан) және эксперименттік апробация нәтижелерін талдау стек модельдің академиялық үлгерімді арттыруға, метакомпетенцияларды (өзін-өзі ұйымдастыру, цифрлық сауаттылық, бірлескен жұмыс) дамытуға және білім алушылардың кәсіби ұтқырлығын жоғарылатуға ықпал ететінін көрсетті. Институционалдық әсерлер микрожетістіктерді танудың цифрлық инфрақұрылымын қалыптастыруда, кредиттерді қайта есептеу рәсімдерін жетілдіруде және студенттер мен жұмыс берушілердің қанағаттану деңгейін арттыруда байқалды. Модель ресми  және бейресми білім беруді интеграциялаудың, сондай-ақ магистратура деңгейінде микробіліктілік жүйесін орнықты дамытудың әлеуетін дәлелдеді.