2004 жылдан бастап Қазақстандағы Ұлттық бірыңғай тестілеу (ҰБТ) жоғары оқу орындарына қабылдауда ашықтық пен әділдікті қамтамасыз етуде маңызды рөл атқарып келеді. Алайда елдің жоғары білім мен академиялық сапа саласында өңірлік хабқа айналу жөніндегі жаңа мақсаты қолданыстағы ҰБТ моделін қайта қарауды талап етеді. Бұл мақалада ҰБТ жетістіктері мен оның қазіргі талаптарға сәйкессіздіктері талданады. Авторлар халықаралық үздік тәжірибелерге сүйене отырып, болашаққа бағытталған жаңа буын ҰБТ моделін ұсынады. XXІ ғасыр дағдылары жөніндегі жаһандық және ұлттық деректерге сүйене отырып, біз ҰБТ-ны біртіндеп жетілдірудің, оның теңдік қызметін сақтай отырып, дағдыға бағытталған модульдік компоненттерді сынақтан өткізу және адам қатысатын бағалауды (human-in-the-loop) қолдану арқылы іске асатын ықтимал жолдарының бірін қарастырамыз. Бұл ұсыныс зерттеушілік сипатта және мүдделі тараптар арасында пікірталас өрбітуге бағытталған. Бұл модель модульдік құрылымға және дағдыларға негізделген тесттерге (Skill-Based Tests – SBT) сүйенеді, олар сыни ойлау, академиялық жазу, зерттеу, коммуникация, цифрлық және жасанды интеллект сауаттылығы мен креативті тапсырмаларды шешу дағдыларын бағалауға бағытталған.