Бұл зерттеу білім беру сапасын арттырудың негізгі факторы ретінде мұғалімдердің үздіксіз кәсіби дамуын стандарттау тетігіне арналған. Зерттеулер көрсеткендей, мұғалімнің құзыреттілігі оқушының жетістігіне тікелей әсер етеді және педагогтің жүйелі кәсіби дамуына тәуелді. Халықаралық тәжірибені талдау (Қазақстан, Австралия, Ұлыбритания, Канада, Шотландия, Сингапур, Эстония) стандарттаудың ең тиімді құралы мұғалімді бағалаудың бірыңғай жүйесіне біріктірілген Кәсіби стандарт екенін көрсетеді. Осыған байланысты зерттеудің мақсаты кәсіби дамудың стандартты шеңберін әзірлеудің өзектілігін негіздеу және Кәсіби стандарттың әдіснамасын, тұжырымдамасы мен құрылымын таңдауды дәлелдеу үшін халықаралық тәжірибені, ғылыми-зерттеу және эмпирикалық деректерді талдау болды. Зерттеудің әдіснамалық негізін ұлттық білім беру жүйесіндегі қолданыстағы Кәсіби стандартты ғылыми сараптау, сондай-ақ ғылыми деректерді талдау, жинақтау және жүйелеу құрады. Зерттеу нәтижесінде бөлек қысқа мерзімді іс-шараларды мұғалімдердің үздіксіз кәсіби дамуының бірыңғай жүйесіне трансформациялау қажеттілігі негізделді және оқыту сапасын бағалаудың объективті құралы ретінде Кәсіби стандарттың әлеуеті ашылды.