Бұл зерттеу Үржар ауданының орта мектептерінің 9-11 сынып оқушыларының білім беру процесіне шығармашылық тұрғыдан жазуды үйретуде мұғалімдердің рөлін қарастырады. Зерттеудің мақсаты-мұғалімдердің шығармашылық жазуға аңықтама берулері, олардың оқу процесінде кездесетін қиындықтарды және жазудың осы аспектісін дамыту үшін ұсыныстарды қарастыру. Зерттеу әдістері деректерді сапалық  және сандық талдауды біріктіретін аралас тәсілді қолдануды қамтиды. Сауалнама Абай облысы Үржар ауданының орта мектеп мұғалімдері арасында кездейсоқ іріктеу және Google Forms арқылы жүргізілді. Зерттеуге барлығы жүз мұғалім қатысты. Нәтижелер көрсеткендей, мұғалімдердің көпшілігі шығармашылық жазуды жазбаша көріністің бір түрі ретінде анықтағанымен, мұғалімдердің едәуір бөлігі оны өзінің педагогикалық практикасына сирек араластырады, бұл жазудың осы түрін білім беру бағдарламаларында бекіту қажеттілігін көрсетеді. Зерттеу шығармашылық жазуды оқу процесіне енгізудің маңыздылығын көрсетеді және анықталған мәселелерді шешудің стратегияларын ұсынады.