Мақалада мұғалімдердің кәсіби дамуына аттестаттаудың ықпал ету мәселесі, соның ішінде әсерін бағалауға бағытталған әдістеменің теориялық негізделген мазмұны қандай болуы мүмкін деген мәселе қарастырылады. Зерттеу аттестаттаудың  валидтілігі мен сенімділіігі арқылы анықталатын  рәсімдерінің сапасы мұғалімдердің кәсіби дамуына тікелей әсер етеді деген алғышартқа негізделген. Зерттеудің теориялық шекарасын анықтау және зерттеу мәселесін шешу үшін бағалау процестерін валидациялау тәсілдемелеріне салыстырмалы талдау, аттестаттау материалдарына шолу, S. Toulmin аргументтеу жүйесін қолдану негізінде әдістемені модельдеу қолданылды. Теориялық негізделген әдістеменің мазмұны M.Kane тәсілдемесіне және аттестаттауға бейім-делген дәйекті интерпретациялық аргументтер (тұжырымдар) арқылы анықталатын құрылымдық валидтілік прициптеріне құрылған. Бұл ұсынылған тұжырымдардың қисындылығы мен дәйектілігін бағалап қана қоймай, негізділігін және аттестаттаудың белгіленген мақсаттарына сәйкестігін тексеруге мүмкіндік береді. Демек, әдістеме педагогтердің кәсіби дамуына ықпал ететін неғұрлым әділ және тиімді бағалау рәсімдерін жүзеге асыруға мүмкіндік береді. Сондай-ақ мақалада әдістемеге, оны қолдану әлеуетін арттыруға мүмкіндік беретін,  ұсыныстар берілген.