Жаһандану, ақпараттандыру, цифрландыру қазіргі тәрбие процесін қиындататын ауқымды өзгерістерге әкелді. Қазақстандағы тәрбиенің заманауи тәжірибесі зияткерлік ұлтты қалыптастыру міндетін шешуге бағытталған. Білім беру процесінің, оның ішінде тәрбие процесінің негізгі тұлғасы-мұғалім. Қазақстанда болып жатқан қоғамдық сананы жаңғырту, білім беру мазмұнын да, тәрбие жүйесін де жаңарту тек мазмұнды ғана емес, сонымен қатар педагогтарды бала тәрбиесіне, білім беру ұйымдарында тәрбие жүйесін ұйымдастыруға кәсіби даярлаудың әдіснамасын да түсінуді талап етеді. Қазақстанның болашақ педагогтарын тәрбие жұмысына кәсіби даярлаудың дәстүрлі және қазіргі заманғы әдіснамалық негіздерін талдау қазақстандық қоғамның рухани жаңаруы жағдайында болашақ мұғалімді даярлау стратегиясын әзірлеуге мүмкіндік береді деп санаймыз. Мақала Абай атындағы ҚазҰПУ- да  жүргізілген тәжірибелер негізінде жазылды. Жүргізілген зерттеу нәтижесінде этникалық, мәдени, діни сан алуандылық деңгейі жоғары Қазақстанда мұғалімді даярлау процесі жоғары оқу орнының білім беру процесінің тәрбиелік және әлеуметтендіру құрамдас бөліктерін күшейтуді талап етеді деген қорытындыға келдік. Заманауи Мұғалімді кәсіби даярлау стратегиясы жеке тұлғаға бағытталған, құзыреттілік парадигмалар идеяларының жетекші рөлі бар полипарадигмальды тұжырымдама болуы керек.