Әлемдік жетекші университтердің іс -тәжірибесінде Honors college- жоғары оқу орны нәтижелері бар дарынды студенттедің талантын дамытудың тиісді тәсілдерінің бірі. Авторлар директорлық институтын Honors college академиялық үстемдік бағдарламасының перспективалы бағыты ретінде қарастыруға тырсқан.

Ғалымдар ғылыми-педагогикалық, арнайы әдебиеттерді талдау негізінде мектеп директорының кәсіби құзыреттіліктері мен қасиеттері мәселесін ашуға тырысты. Әдебиеттерге шолу көрсеткендей, директорлық институтты зерттеудің пәні ретінде қарастыру англо-саксон елдерден бастау алады, ал 1900-шы жылдардан бастап АҚШ,Ұлыбритания, Австралия,Канада, Скандинавия елдері және өзге елдер ғалымдары мектеп директорына қатысты түрлі мәселелерді зерттейді. Аталмыш мәселенің өзектілігі 1970-ші жылдардан бастап қайта қолға алынады. Оның себебі, демографиялық өсу мен жалпылама оқытуға байланысты мектеп тиімділігі сұрағы  аса маңызды болды.

Шетелдік және қазақстандық зерттеушілердің еңбектерін зерттеу негізінде авторлар мектеп директорының портретіне, оның функциялары мен кәсіби құзыреттілігінің құрамдас бөліктеріне сипаттама беруге тырысқан. Сонымен қатар зерттеушілер үлгілік көшбасшылық стратегиясының қағидаларын көрсете білген.

Аталмыш зерттеудің ерекшелігі ретінде, ғалымдардың қазақстандық ғылымның аясында «жаңа директордың» кәсіби құзыреттілігі мәселесін алғаш рет қарастырғаны атап өтуге болады. Жұмыста сынақтар мен оны жеңу жолдары қарастырылады.