Мақалада жоғары мектеп педагогінің «Рухани жаңғыру» бағдарламасын жүзеге асыру жағдайында мәдениет және өнер саласындағы болашақ мамандарды кәсіби даярлау бойынша теориялық идеялары мен тәжірибесі баяндалған. Автор осы бағдарламада баяндалған идеялардың өзектілігін негіздейді. Олар жаһандану жағдайында мамандар даярлауды, қоғамның әлеуметтік-экономикалық саласындағы иннова-цияларды қалыптастыруға және халықтық музыкалық өнерді сақтауға, халық шығармашылығының қазыналарына ұқыпты қарауға бағытталған.
Студенттерді эстрадалық вокалға, аспаптық орындаушылыққа, «Дәстүрлі өнер» мамандығына оқытуда педагог «Рухани жаңғыру» бағдарламасының идеяларын басшылыққа алады. Мәдениет және өнер саласындағы мамандарды кәсіби даярлаудың ерекшелігі – жоғары оқу орнының біртұтас педагогикалық процесіне азамат тұлғасын, яғни өз Отанының патриотын қалыптастыруға ықпал ететін ән мен аспаптық орындаушылық туындыларын, қазақ халқының бай фольклорлық шығармашылығын зерделеудің түрлері мен әдістерін енгізу мүмкіндігі болып табылады.