Білім беру технологиялары соның ішінде заманауи электронды технологияларды, цифрлық оқыту әдістерін қолдану «цифрлық оқыту мен инклюзивті білім беруді дамытуда» педагогикалық-психологиялық қолдау барлық аспектілеріне әсер ететін білім берудің орталық аспектісі болды. Бүгінгі таңда Моңғолияда баршаға арналған цифрлық сауаттылық әлсіз. Оны жою Үкімет пен педагогтардың басты мәселесі болып табылады. Технология мен оқушылардың қатысуының күрделі байланысын анықтау үшін бұл мақала 2015 және 2022 жылдар аралығында жарияланған 20 зерттеуден алынған зерттеулерді жүйелі түрде талдаған. COVID-19 пандемиясы кезінде Моңғолиядағы 330 сумындық мектептен 172300 оқушы, алыс шалғай 46 бақтағы мектептен 6277 оқушы, барлығы 178577 оқушы инфрақұрылымның жоқтығы, шалғайлық, интернет, электр қуаты, құрал-жабдықтың жоқтығы және т.б. себебінен цифрлық оқытуға қатыса алмаған. Бұл республикалық барлық оқушылардың 25% пайызын қамтыған. Жалпы білім беретін мектеп оқушыларының 4-6% (қырдағы немесе жергілікті жерге байланысты) телекурстарды мүлдем көре алмаған немесе заманауи электронды технологиялар құралдарын (жоқ немесе жұмыс істемейді) пайдалана алмаған.

Зерттелетін цифрлық оқыту мен аралас оқыту, инклюзивті білім беруді дамытуда заманауи электронды технологиялардың қолжетімділігін анықтауға байланысты мәтінге негізделген құжаттар пайдаланылды. Білім беру технологиясын пайдаланудан туындайтын мінез-құлық, белсенділік мәселелері педагогикалық-психологиялық қолдауды талап етеді. Бұл сонымен қатар цифрлық білім беруде заманауи электронды технологиялардың қолжетімділігін, оқушылардың мінез-құлық, аффективтік және когнитивтік белсенділігінің анықтауға, сабақтан қол үзбеуге демеу болды.