Мақалада авторлар ғылыми-педагогикалық, арнайы әдебиеттерді талдау негізінде мектеп директорының кәсіби құзыреттіліктері мен қасиеттері мәселесін ашуға тырысты. Әдебиеттерге шолу көрсеткендей, директорлықты зерттеудің пәні ретінде қарастыру англо-саксон елдерден бастау алады, ал 1900-шы жылдардан бастап АҚШ,Ұлыбритания, Австралия және Канада ғалымдары мектеп директорына қатысты түрлі мәселелерді зерттейді. Аталмыш мәселенің өзектілігі 1970-ші жылдардан бастап қайта қолға алынады. Оның себебі, сол жылдары мектеп тиімділігі сұрағы маңызды болып қарастырыла бастағаны.

Шетелдік және қазақстандық зерттеушілердің еңбектерін зерттеу негізінде авторлар мектеп директорының портретіне, оның функциялары мен кәсіби құзыреттілігінің құрамдас бөліктеріне сипаттама беруге тырысқан. Сонымен қатар зерттеушілер үлгілік көшбасшылық стратегиясының қағидаларын көрсете білген.

Аталмыш зерттеудің ерекшелігі ретінде, ғалымдардың қазақстандық ғылымның аясында жаңа директор мәселесін алғаш рет қарастырғаны атап өтуге болады. Жұмыста сынақтар мен оны жеңу жолдары қарастырылады.