асымдыққа ие. Ата- анасы мектепке дейінгі жастағы балаларына шет тілін таңдағанда ағылшын
тілін жөн көреді. Бұл мақала Қазақстандағы ағылшын тілін оқытудың жағдайы мен өзекті
мәселелерін зерттеуге арналған.
Орта мектептерде білім алатын бірнеше сегізінші сынып оқушыларымен жүргізілген тәжірибелік
сауалнама, сонымен қатар оқу жүйесін бақылау нәтижелері негізге алынған. Ағылшын тілі
сабақтарына қатысу және мектеп мұғалімдері мен тілдесу барысында оқу процесінің проблемалық
жақтары анықталды. Мақалада сабақтарды ұйымдастырудың заманауи әдістері мен қағидаларына
шолу жасалды, сонымен қатар анықталған мәселелерді шешетін жолдар ұсынылды.
Мақала авторлары оқушылардың тек ағылшын тілін ғана емес, сонымен қатар басқа да шет
тілдерін үйренуге деген ұмтылысын анықтауға тырысты, өйткені мемлекеттің нормативтік
құжаттарына сәйкес оқушылар мектепте оқылатын шет тілін өздері таңдауға құқылы.
Шет тілінде сөйлесуге деген құлшыныс, шет тілін меңгеруге дайын болу, студенттің өміріндегі
ағылшын тілінің рөлі, шет тілі сабақтарындағы негізгі іс-шаралар осы ғылыми жұмыста
қарастырылған негізгі мәселелер болды.